Valiant Petroleum hevur latið leitiloyvi nr. 013 aftur frá 13. januar 2013 at rokna. Loyvið varð latið í 2005 til Geysir Petroleum og Atlantic Petroleum. Geysir Petroleum varð yvirtikið av Valiant Petroleum í 2011. Valiant Petroleum var nú einasti loyvishavari.

Statoil Færøyene AS hevur latið leitiloyvi nr. 010 aftur frá 1. mars 2013 at rokna. Loyvið varð latið í 2005. Statoil Færøyene var einasti loyvishavari.

Dátur eru savnaðar yvir økini, og kanningar eru gjørdar, men ongar boringar framdar. Innsavnaðu dáturnar verða leysgivnar av Jarðfeingi, eftir at tvey ára trúnaðarskeiðið fyri tær er runnið.

Onnur áhugað kunnu nú frítt søkja um leitiloyvi á økjunum.