Í oktober vitjaði Anna Karina Kjeldsen Fróðskaparsetur Føroya. Hon er listasøgufrøðing-ur úr Deplinum fyri Savnsfrøði (Center for Museologi) á Fróðskaparsetrinum í Aarhus. Fimm søgulesandi og fjúrtan starvsfólk á søvnum, av hesum tvey av Jarðfeingi, tóku lut í skeiðinum Savnsfrøði – samskiftishættir og framløga á søvnum. Endamálið var partvís at geva søgulesandi innlit í savnsfrøðiligt ástøði og háttaløg og partvís at geva starvsfólkum á føroyskum søvnum íblástur til nýggjar samskiftishættir í framsýningarvirksemi.
Nógv var gjørt burturúr leiklutinum hjá tí siðbundna og tí meira nýmótans savns-arbeiðinum. Hetta var samanborið við endamálið hjá teimum vitjandi at vitja søvn. Gjøgnumgingið var hvønn týdning tað hevur fyri upplivingina og læringina hjá teimum vitjandi, hvussu søvnini fata tey vitjandi og háttin søvnini bera fram lutir og vitan. Søvnini kunnu tí røkka einum breiðari vitjanarskara við at nýta ymsar læruhættir í framsýningunum og við at vera tilvitað um teir ymsu sløgini av viti hjá teimum vitjandi.
Luttakararnir fingu uppgávur, har ástøði var nýtt til verulig hugskot til heilt nýggjar hættir at nýta søvn og framsýningar.