Myndugleikafundur - Jardfeingi

Myndugleikafundur NSOAF í Danmark

Tá farið varð undir oljuleiting á føroyskum øki, fekk Jarðfeingi limaskap í einum felags-skapi fyri trygdarmyndugleikar í Norðurevropa (Norðsjógvin). Londini, ið luttaka eru: Noreg, Bretland, Danmark, Holland, Týskland, Írland, Svøríki og Føroyar. Felagsskap-urin tekur sær av felags áhugamálum fyri støðugt at betra um trygdina í frálandavinn-uni, og eitt av endamálunum er, at harmonisera myndugleikakrøv o.a. soleiðis at lættari verður hjá feløgum, havstøðum og starvsfólki at virka tvørtur um landamørk.

Skipað verður fyri einum árligum fundi í apríl, og á seinasta fundi vóru danir vertir. Á skránni vóru ymisk aktuell trygdarviðurskifti umrødd. Fyri at minka um CO2 útlátið eru lond farin at gera fyrireikingar til at pumpa CO2 niður í undirgrundina, og á fundinum seinast vóru trygdaratlit í hesum sambandi umrødd.

Umframt árliga fundin eru arbeiðsbólkar settir at taka sær av meira ítøkiligum uppgáv-um. T.d. hevur ein bólkur syrgt fyri, at trygdarskeið sum verður tikið í einum landi verður góðkent í hinum londunum. Føroyar taka lut í einum arbeiðsbólki, sum tekur sær av ES lóggávu, ið ávirkar frálandavinnuna.

NSOAF er stytting fyri North Sea Offshore Authority Forum.