Jarðfeingi hevur opið hús á Mentanarnáttini 3. juni frá kl 16 til 21 (ókeypis atgongd).

Hvussu sær tað, tá olja er í føstum gróti, og kann vinnast úr undirgrundini? Kom og síggj træið, sum endaði sínar dagar í einum eldgosið í Føroyum fyri yvir 50 milliónum árum síðan. Hvussu sær ein meteorittur út? Hvussu sær gull úr einum gullnámi út? Hví finna vit ikki djórafossil í Føroyum?

Hesar og nógvar aðrar spurningar um náttúruna vit liva í, kanst tú seta, tá tú heldur mentanarnátt á Jarðfeingi. Tak familju og vinfólk við tær. Fyri ikki at gloyma steinar og tinnur, um tú vilt hoyra meir um tey. Hevur tú hug at loysa onkrar uppgávur og royna teg sum jarðfrøðing í eina nátt, so hevur tú nú møguleikan til tað.

Uppgávur eru til børn, ung og vaksin.